Хомиладорлик ва бошка аёл согMay 25, 2006 1:51 pm

Сут махсулотларни истеъмол қилиш эгизаклар туғилиш имконини оширади, дейди Оврўпалик олимлар

Яқинда Англияда ўтказилган тадқиқотларга кўра, сутни кўп ичадиган хамда гўшт кўп ейдиган аёлларда вегетариан диетага риоя қиладиган аёлларга нисбатан эгизаклар туғиш имкони 5 (БЕШ) баровар ошар экан. Олимлар бунинг сабабини сигирлар жигарида учрайдиган махсус бир оқсилда деб топишди. Ушбу оқсил сут, гўшт ва бошқа молдан олинган махсулотлар орқали аёл кишининг бола туғиш органларига етиб бориб уларни стимуляция қилар экан. Олимлар ўз тадқиқотларининг якунида эгизак туғишни истамаган аёлларга иққиқат бўлишдан олдин сут ва гўшт хажмини камроқ истеъмол қилишни маслахат қиладилар. Яна бир янгилик, дунё бўйлаб эгизаклар туғилиши охирги 30 йил мобайнида анча ўсибди. Қизиқ, мен Ўзбекистонда эгизаклар кўрган аёлларни камдан кам учратганман. Ростдан хам Ўзбекистонда эгизаклар камроқ туғилармикан? Шундай бўлса, балки бу аёлларимизни етарлича гўшт ва сут махсулотларини истеъмол қилмасликларига боғлиқдир?
** Шоира

Comments (1)
Хомиладорлик ва бошка аёл согMay 14, 2006 7:12 pm

Талаба Эркинойдан: турмуш ўртоғнинг муносабати хақида…

Men begona yurtda o’z bahtini, joyini, hurmatini topib yurgan Malika va Shoira opalar uchun juda ham hursandman va yashirmayman, ularga juda ham havas qilaman.
Albatta sizda - nega havas qilasan degan? savol hayolingizdan o’tishi aniq. Chunki o’zim chet elda Ovrupa mamlakatlarini birida o’qiyman, ishlayman.
Menim fikrimcha ovrupalik erkaklarni hammasi unaday mehribon deb o’ylamayman, chunki ovrupa mamlakatlarida erkak zoti sizga haqiqatdan ham mehribonchilik qilib, siz uchun jonini berishi uchun u sizni yurakdan sevishi kerak va undan tashqari boshqa omillar ham ko’pdir.Kechirasiz men o’z bu hayotimda ko’rgan, bilganlarimdan sizga misol qilib keltiraman. Yoshim 18daligida O’zbekistondagi ammalarimdan biri turmushga chiqdi. Ammo bechorani bahti ko’p cho’zilmadi. Siz nega? deb savol bersangiz. Meni ammam shu qishloqdan chiqmagan, o’qimagan bir cho’pon yigit bilan turmush qurgan edi. U yigit qo’pol, o’qimagan va har zamonda nasha tortadiganlardan biri bo’lib chiqdi. U bechora ammamni homiladorlik paytida urib, tepib, qishloqni bu boshidan u boshigacha tayoqlagan. Natijada uni farzandi o’lik tug’ildi. Bu ahvolni ko’rgan ota onasi ammamni uyiga qaytarib olishdi. Keyinchalik u boshqa bir 8 farzandi bor erkak bilan turmush qurib, hozirgi kungacha uni va uni 8 farzandini hizmatida. Bu paytda men juda ham ammamga achindim va ajablandim. Chunki men bu holatni hech qachon ko’rmaganman, meni otam shu qishloqdan chiqqan bo’lsa ham. To’g'ri meni ota onamni oralarida kelishmovchilik, janjal, xafachilik bo’lmagan deb aytaolmayman. Ammo meni otam hech qachon onamga qo’l ko’tarmagan va haqorat ham qilmagan. Har doim otam onamga murojat qilmoqchi bo’lsa "Ho’jayin" deb hazillashib murojat qilgan.(  Hech qachon to’g'ridan to’g'ri buyruq bermagan, onamga qo’l ko’tarish narida tursin. Agar bilsangiz men otamni chu hislatlari uchun juda hurmat qilaman va g’ururlanaman. Men bu bilan demoqchimanki menimcha har bir erkakni o’z turmush o’rtog’iga bo’lgan munosibati uni yoshligida olgan, ko’rgan tarbiyasiga, ruhiy holatiga, uni atrafidagagi atmosferaga bog’liq va albatta uni saviyasiga ham. Ovrupada erkaklar ham turli tumandir. Men bu yerda turli tuman odamlarni, va oilalarni ham ko’rmoqdaman. Ochig’ini aytaman ba’zi birlariga havas qilaman, ba’zilariga havas qilmayman…. 
Erkinoi
Comments (1)
Хомиладорлик ва бошка аёл согApril 13, 2006 8:55 pm

Маликадан салом!

Ассалому Алайкум, дуганожонлар!

Мен хам Шоирага ухшаб ушбу сахифада уз фикрларимни ёзиб тураман ва сизлар жавоб ёзасизлар деган умиддаман. Бироз уз хакимда: Асли Водийлик, хозирда эса оилам (турмуш уртогим ва углим ) билан АКШда яшайман. Ёшим….  америкача килиб айтганда 30ларга бориб колган.

Турмуш уртогим Америкалик, иккаламиз ишлаймиз, углим эса богчага боради.

Узбекистонлик аёллар хаёти мени жуда кизиктиради, биринчидан, бу тоифага узим хам кираман, иккинчидан, онам, опа-сингилларим, хола-аммаларим, хаммаси Узбекистонда яшайдилар. Улар билан уз оналик, аёллик хиссу-туйгуларимни, тажрибаларимни уртоклашишни жуда хам истардим. Афсус, уларнинг биронтаси хам мен ёзган нарсаларни укишга имконлари йук (менимча биронтаси хам компютерда ишлаб курмаган). Шунинг учун, уларнинг урнига хам сизлар бу сахифамизни укиб биз ёзган мавзуларни уз оналаринг, опа-сингилларинг, дугоналаринг билан уртоклашасизлар деган умиддаман.

Шоира олдин ёзган мавзу менга жуда хам ёкди. Унинг айтган гапларига мен кушиламан. Менинг хомиладорлик ва бола тугиш тажрибам хам Шоираникидан унча фарк килмаганди. Эримнинг бола тугилиш пайтида ёнимда булиши табиий хол эди. Усиз холим нима кечишини тассавур хам килаолмайман. У шунчалик хурсанд эдики, бола тугилгач кузлари ёшга тулганди. Хомиладорлигимнинг бошида, хали корним билинмасдан хам, бирон бир уртогида таништирса, "мана менинг турмуш уртогим, буниси эса - корнимга курсатиб, фарзандимиз" дерди.

Албатта, узбек эркаклари хам булажак фарзандларидан фахрланади, бирок буни очик ойдин курсатиш уят хисобланади. Масалан, мен онамнинг хомиладорлигида тушган биронта расмини курмаганман, чунки бундай расмлар йук. Кенжа укам тугилган пайтида мен 6 яшар эдим, бирок, онам уз хомиладорлиги тугрисида бизга бирон бир нарса айтганини эсламайман.

Кизиги шундаки, мен болам тугилганидан кейин телефон оркали уз онам билан гаплашиб бу ажойиб унитиб булмас тажрибамни сузлаб бердим, ва онам эрим ёнимда булганини эшитиб хайрон булмади, аксига, "хайрият, ёнигда булиб, эсон омон кутилиб олибсан" деганди. Агар эрим Узбекистонлик булганда хам шундай уйлаган булармиди?

Албатта, гарб мамлакатларида хам хотинлари тугаётган пайтда олдида булишни истамаган эркаклар йук эмас. Бирок, бу ердаги маданият эрларнинг хотинини олдида булишини талаб килади. Бундай амал олкишланади, оталар болаларига, "сен тугилганингда…" деб айта олишни жуда хам исташади.

 

 

Comments (1)
Хомиладорлик ва бошка аёл согApril 3, 2006 9:40 am

Россияда хомиладор аёлларга нисбатан ўзгаришлар…

Куни кеча битта мақолага кўзим тушиб қолди. Унда Россияда хомиладор аёлларнинг соғлигига кўпроқ эътибор кўрсатиш тарзида уларга витаминлар билан қўшимча темир берила бошлангани хақида ёзилган эди. Ўзбекистонлик аёлларнинг аксарияти анемия яъни камқонликдан, темир етишмовлигидан азоб чекишлари хаммага аён. Қачон бизнинг соғлиқни сақлаш идораларимиз хомиладор аёлларга шундай қўшимча табиий дори дармон беришар экан… Россияда яна битта ўзгариш юз берганмиш: туғруқ хонага оталарни ҳам киритишга рухсат берилибди. Бу кўплар учун ажабланарли хол бўлиб кўринса керак. Эрларимиз хозирлигида туғиш азобларидан ўтиш кўпларга тўғри келмаса керак. Бундай очиқлик бизларнинг урфу одатларимизга хам қарши бўлиб кўринса керак. Лекин Россиялик эр хотинлар, бўлажак ота оналарда энди шундай танлов борлиги мен жуда севинтирди. Ўз тажрибам хақида гапирсам, менда танлов йўқ эди десам хам бўлади. Боламиз туғилиш пайти келганида турмуш ўртоғимнинг ёнимда бўлиши бўлмаслиги хақида савол хам қўйиб бўлмас эди. Эрим нафақат туғиш жараёнида иштирок этишни (иштироги албатта мени рухий томондан қўллаб қуватлаб, етишмаган майда чуйда нарсаларни олиб келишларга чекилган эди ). У хомиладорликнинг охирги ойларида ота оналар учун уюштирилган курсларга хам қатнаб хамма нарсани (туғиш пайти қандай нафас олишни, чақалоқ туғилганидан сўнг қандай нарсалар мухимлигини ва хоқазо) мен билан бирга ўрганиб келганди. Тўғрисини айтсам, ичимда қандайдир уялиш, ноқулайлик туйғулари бор бўлса ҳам мен шу нодир бир пайт, аёл зоти учун энг оғир пайтлардан бирида, эримни ёнимда бўлмаслигини, менга таянч бўлиб турмаслинини тасоввур хам қила олмайман. Турмуш ўртоғим бу маънода истисно эмас : ғарбий эркакларнинг аксарияти болалари туғилиш пайтида хотинларининг ёнида бўлиб уларга қўлларидан келганча ёрдам беришади. Бу нормал бир хол ва бу ердаги аёллар ҳам бунга ўрганиб қолишган… Ким билади, балки шу азобларни ўз кўзлари билан кўрганлари сабабли бу ердаги эркаклар хотинларинг қадрига кўпроқ етиб, кўпроқ бола боқишда ёрдам беришар.

Comments (1)